Giovanni Colella habiti të gjithë pas ndeshjes me Vllazninë teksa i dha lamtumirën lojtarëve pas humbjes mirëpo një bisedë me dy drejtorët e klbit bëri që dorëheqja e tij të “shtyhej” deri pas derbit. Trajneri ndjen se ekipi nuk po e ndjek por derbi i së hënës do të jetë një test për të edhe lojtarët teksa nëse del me sukses mund të kemi një kthim mendje për italianin.
Grupi ka qenë i plotë ditën e djeshme në stërvitje me Paolo Buxhelajn që është stërvitur me ekipin dhe pritet të jetë i gatshëm për derbi ndërsa do të luftojë për një fanellë titullari me Atanaskoskin.
Alban Hoxha pritet të ulet në stol dhe Rexhepi të rikthehet sërish titullar ndërsa Telushi e Sota do të formojnë digën përpara tij. Në mesfushë, Murataj do t’i bashkohet Matondos dhe Rrapajt ndërsa Hoti, Da Silva dhe Mba kanë detyrën e shënimit të golave.
Lexo gjithashtu
