Hasan Lika nuk ka mundur të vazhdojë të drejtojë Luftëtarin edhe pse ky i fundit ishte njeriu që çoi gjirokastritët në Europë. Pas shumë bisedimesh, drejtuesit e klubi kanë menduar të ndryshojnë, duke emëruar në krye të skuadrës Milosh Kostiç dhe larguar në mënyrë të pakuptimtë Hasan Likën.
Në një intervistë dhënë së fundmi për "Supersport", Lika ka shpjeguar se kanë bërë një punë të mirë këtë sezon dhe suksesi ka ardhur si pasojë e disa individëve që ndodheshin në skuadër, si Abazaj, Bregu apo dhe Rrocaj.
"E kam thënë që kam shkuar me dëshirë dhe me bindjen për të ndryshuar gjërat në atë moment të vështirë. Kam qenë në biseda me klubin përpara fillimit të sezonit. Duke u nisur nga ajo çfarë tregoi vitin e kaluar, pretendoja që mund të bëja mirë këtë sezon. Faktet treguan që bëmë më mirë dhe kaluam momentin e vështirë dhe arritëm objektivat. Skuadra ndryshoi nga viti kaluar dhe kjo pritej të reflektohej në lojë dhe rezultate. Duhej kohë për të fituar vlerat dhe kjo u arrit nga tetori.
Ndryshe mund të ishte bërë që në fillim të sezonit të kaluar, mund të ishin bërë më mirë. Kanë kërkuar t'i bëjnë më mirë, por ndoshta nuk ecën si duhet. Prandaj skuadra e futbollit ka ndryshime, për të bërë gjëra pozitive. Kemi shembuj që skuadra më të mëdha, me buxhet më të madh dështojnë. Por ne gjetëm të gjithë forca dhe ia dolëm. Në kohën më të vështirë kemi pasur ndihmë të madhe, pasi na mbështetën në momentin më të vështirë sidomos tifozët.
Momentet e këqija tonat ishin përsa i përket rezultateve marrjes së pikëve. Në atë kohë që humbnim, zhvillonim lojë të mirë, të vinte keq që nuk merrnim pikët, por ishim më të qetë dhe këtë i kërkuam lojtarëve të ishin më të qetë. Do vijë momenti të marrim pikët dhe sot këto vlera, lojtarët duhet t'i mbajnë. Luftëtari në atë moment ishte skuadër për t'u mundur.
E veçanta e këtij Luftëtari ishte padyshim talenti i individëve si Abazaj, Bregu apo Rroca, por mbi të gjitha ishte loja e një grupi të jashtëzakonshëm, ku futbollistë të ndryshëm merrnin përgjegjësitë atëherë kur duhej.
Ne kishim dy individë, që ishin djem fantastik dhe e shikonin vlerën e tyre në bazë të ekipit dhe shokëve. Falë frymës kolektive shkuan më lart dhe këtë e shprehnin përditë. Përveç aftësive individuale, kishin diçka të mirë që mbështeteshin tek kolektivi. Dhe ky ishte rast i rrallë që të kishe një grup të tillë, kompakt. Duke i rezistuar presionit të rezultatit dhe minutave. I kam dhënë mundësinë të gjithëve dhe besoj që jemi të kënaqur
Është sport kolektiv dhe arritjet janë të tilla. Kemi arritur sukses të gjithë bashkë dhe i jemi mirënjohës qytetit dhe tifozëve. Ishte sukses që vinte nga humbja e besimit. Ne kaluam të gjitha së bashku një objektiv që u vendos gjatë sezonit dhe do të ndikojë në të ardhmen e ekipit, dhe kjo është ajo që më kënaq më shumë", shpjegon Lika për "Supersport".
Lexo gjithashtu
