Eugert Zhupa do të jetë në mesin e çiklistëve më të mirë në "Tour of Flanders" që do të zhvillohet në Belgjikë. Në një prej garave çiklistike më të bukura të sezonit evropian, “Ronde van Vlaanderen” apo “Tour of Flanders” përplas disa prej protagonistëve më të fortë të këtij sporti në Belgjikë.
Çiklisti që së fundmi bindi skuadrën “Wilier Triestina” për t’i dhënë një kontratë prestigjioze, raporton Express, ai do të jetë së bashku me të tjerë të ekipit nga Apeninet, për të ndihmuar në një pozicionim të rëndësishëm që në fillim. Falë talentit të tij dhe stërvitjes që e solli për disa javë edhe në Shqipëri, Eugert Zhupa do të shërbejë si garanci për veteranët e këtij turi, si Pozzato. Provat e mira së fundmi të Zhupës, në Turin e Abu Dhabit, dhe pjesëmarrjet në “Giro d’Italia”, i kanë dhënë jo pak vlerësime personale.
Lexo gjithashtu
