Nazmi Gripshi ka nisur një aventurë të re në karrierën e tij futbollistike. Lojtari i Kombëtares do të mbajë veshur tashmë fanellën e Ruzin Kazan, me të cilët ka firmosur për 3 vite.
28-vjeçari mbylli kështu aventurën e tij me FC Astana. Pas një viti e gjysmë në Kazakistan, ku arriti të shkëlqejë me paraqitjet e tij, i jep fund kësaj aventure, ndërsa largohet mes falenderimesh për ish-klubin.
Gripshi luajti me Astanën në 53 ndeshje në të gjitha garat. Mesfushori me tipare sulmuese ia doli të shënojë 25 gola dhe të dhurojë edhe 12 asiste.
“Pas një viti e gjysmë, udhëtimi im me FC Astana ka marrë fund.
Dua të shpreh mirënjohjen time më të thellë për klubin, stafin e trajnerëve, shokët e mi të ekipit dhe çdo person që punoi prapa skenave dhe e bëri këtë përvojë të veçantë. Të mbaja këtë fanellë ishte një nder dhe përfaqësimi i kësaj embleme në fushë dhe jashtë saj kishte shumë rëndësi për mua.
Së bashku u përballëm me sfida, festuam fitore dhe krijuam kujtime që do t'i mbaj me vete gjatë gjithë karrierës sime. U rrita jo vetëm si lojtar, por edhe si person gjatë kohës sime këtu.
Një falënderim i veçantë shkon për tifozët. Mbështetja, pasioni dhe besnikëria juaj nuk kaluan kurrë pa u vënë re. Na dhatë forcë në momente të vështira dhe motivim për të ecur gjithmonë përpara.
Tani është koha për një kapitull të ri, sfida të reja dhe qëllime të reja - por FC Astana do të mbetet gjithmonë një pjesë e rëndësishme e udhëtimit tim.
Faleminderit për gjithçka”, ka shkruar Gripshi.
Lexo gjithashtu
