Tirana, kampione e Shqipërisë në futboll përballet me Dudelange në turin e parë të Champions League. Në 6 korrik në Luksemburg, bardheblutë e Orges Shehit kanë një detyrë jo të lehtë.
Nisja mbarë e kualifikuesve do sillte një motivim shtesë në kampin e 26 herë kampionëve të vendit, që kanë shanse të luajnë në grupet e Europa ose Conference League.
Nëse Tirana kalon turin e parë në Champions (përballja dyshe me Dudelange), atëherë ekipi i Shehit do ishte në turin e dytë të këtij eventi.
Edhe nëse eleminohen në turin e dytë të Champions, veç të ardhurave të konsiderueshme Tirana merr dy mundësi të tjera në Europa dhe Conference League.
Supozojmë se bardhblutë dështojnë në turin e dytë (Champions), atëherë bardheblutë do luanin në turin e tretë të Europa League dhe nëse kalojnë është faza play-off para hyrjes në grupe.
Supozojmë sërish se Tirana humbet në turin e tretë të Europa League, mirëpo kampionët e Shqipërisë do ishin direkt në play-off e Conference League, me një ekip që në letër nuk do kishte koeficient të lartë vështirësie.
Me pak fjalë, kalimi i Dudelange në ndeshjet vajtje-ardhje është shumë i rëndësishëm për djemtë e Shehit.
Loading ...
