
Tensionet mes Bruno Telushit dhe Zoran Zekic u kthyen në çështje kryesore ditën e djeshme të Partizani. Një problem që aq shpejt sa erdhi, aq shpejt edhe u mbyll me klubin dhe vlonjatin që ndanë me konsensus rrugët.
E gjitha ka nisur që para ndeshjes me BATE Borisov ku trajneri Zekic konfirmoi formacionin titullar dhe në mbrojtje shfaqej emri i Saliou Sembene përpara Telushit. Kapitenit nuk i ka pëlqyer kjo dhe ka kërkuar llogari tek kroati i cili ia ka prerë shkurt se nuk e sheh si pjesë të formacionit të parë, sipas shtypit të shkruar..
Kapiteni kërkon një rol të rëndësishëm në skuadër dhe ky vendim nuk i ka ardhur mirë. Pas një bisedimi me drejtuesit e klubit, u vendos që të ndërpritet kontrata dhe Telushi të vijojë karrierën diku ku minutat i ka të sigurta.