Ditën e sotme do të nisin edhe ndeshjet e javës së 28-të të Abissnet Superiore. Në program janë 3 duele mjaft interesante, ndërsa do të luhet në aksin Shkodër-Kamëz-Durrës.
Gjithçka do të nisë me përballjen direkte për mbijetesë mes Kastriotit dhe Bylis. Kjo sfidë do të startojë në orën 15:00 dhe do të luhet në stadiumin “Kamëz”. Krutanët pas fitores së fundit me Laçin janë të “etur” për një tjetër 3 pikësh ndaj një rivali direkt si ballshiotët. Nga krahu tjetër edhe malakastriotët e cilësojnë si “trenin” e fundit për qëndrimin në Superiore.
Në orën 18:00 në fushën e lojës do të zbresin 4 skuadra që do të duelojnë mes tyre për 3 pikët e kësaj javë. Në “Niko Dovana” do të luhet një tjetër duel mbijetesë, ku Teuta dhe Laçi përplasin “brirët” mes tyre.
Takimi tjetër mes Vllaznisë dhe Erzenit mund të kosiderohet duel për Europën. Në stolin e shkodranëve do të debutojë Sedloski, i cili kërkon ta nisë me këmbën e mbarë aventurën te kuqeblutë dhe aq më tepër t’i rikthejë te fitorja, e cilaa mungon prej më shumë se 5 javësh. Edhe shijakasit synojnë fitoren pasi në dy takimet e fundit kanë marë një humbje dhe një barazim.
[caption id="attachment_687808" align="alignnone" width="683"]
Ndeshjet e sotme ne Abissnet Superiore[/caption]
Lexo gjithashtu
