Richarlison është njeriu i momentit në Brazil me gjithë popullin të dashuruar pas tij pas dygolëshit të shënuar ndaj Serbisë në ndeshjen hapëse të Botërorit. Por, është dikush që nuk është i bindur në aftësitë e tij edhe pas kësaj ndeshje, sigurisht, Antonio Cassano.
Që para fillimit të Botërorit, Cassano, ka qenë kundër thirrjes së sulmuesit të Tottenham në vendin e Firminos dhe pas dygolëshit me serbët, italiani çuditërisht konfirmon gjykimin e tij.
“Brazili ka 25 lojtarë të shkëlqyer por kanë problem vetëm në një vend. Meqë jam një njeri që nuk mohon asgjë, pas asaj që kam parë konfirmoj se Richarlison është delja e zezë e Brazilit. Goli me roveshatë? E vërtta është që ai gaboi në marrjen e topit dhe pastaj lindi ajo goditje. Ai s’bëri asgjë, nuk ka lidhje me sulmuesit brazilian e pastaj shkon e shënon me portën e boshatisur.”
Lexo gjithashtu
