U rikthye te Skënderbeu pas aventurës në kampionati kosovar te Trepça'89, për të bërë liderin në fazën e sulmit pas largimit të Ali Soue, por duket se sezoni i tij me korçarët nuk po shkon ashtu siç pritej. 20-vjeçari ka luajtur 5 ndeshje si titulla dhe 11 nga stoli duke shënuar 3 gola. Në një prononcim për "SuperSport" sulmuesi kërkon më shumë minuta dhe pas dëmtimit të Krasniqit do të ketë mundësi të tregoj vetën. Otto John nuk lë pa përmendur dhe çështjen e Cas që sipas tij nuk e zbeh objektivin e skuadrës.
"Në futboll nuk mund të kontrollosh se çfarë do të ndodhë. Jam një sulmues dhe do të kërkoj që gjithnjë ta ndihmoj skuadrën duke shënuar gola, nëse do kem mundësi të realizoj do ta bëj, megjithatë shpresoj të më jepen më shumë minuta. Nuk jam unë trajneri që të vendos, në këtë pikë është ai që përcakton formacionin. Shpresoj që edhe Krasniqi të rikuperohet, sepse konkurenca është më e fortë për mua dhe kjo më bën mirë."
Faza përgatitore? "Jam i kënaqur me punën që po bëj, po stërvitem me maksimumin e mundshëm. Mendoj se jemi përgatitur në mënyrën e duhur dhe besoj se jemi gati për rinisjen e sezonit".
Çështja e Cas? "Nuk mendoj se çështja e Skëndebreut në KAS ndikon tek skuadra, sepse ne kemi të njëjtin objektiv, të fitojmë kampionatin. Do bëjmë maksimumin e mundshëm për tu shpallur sërish kampion, edhe ne që kemi ardhur këtë sezon kemi të njëtat synime si ata që kanë qënë pjesë e Skenderbeut edicionin e kaluar, të fitojmë titullin"u shpreh Otto John.
Lexo gjithashtu
