Spanja nuk arriti të siguronte kualifikimin direkt në ndeshjen me Gjermaninë teksa u ndal në barazim 1-1 por pika e marrë vlen përsëri shumë pasi i mban ata të sigurtë në vendin e parë. Në ndeshjen e fundit do të presin Japoninë dhe një tjetër barazim do t’i dërgonte në raundin tjetër por Carvajal dhe Morata, në intervistën pas ndeshjes, shprehen se do të luajnë vetëm për fitore.
Carvajal: Ne erdhëm për fitore dhe nuk patëm sukses por mendoj se bëmë një lojë të mirë. Ndeshja ishte e vështirë, ndaj një rivali që është mes kandidatëve për titull. Duhet të ndreqim gabimet në pjesën e tretë të fushës, në minutat e fundit morëm përsipr rreziqe dhe na mungoi pak durimi. Me Japoninë do të luajmë vetëm për fitore, mendoj se do të dalim të parët.
Morata: Po ishim superiore në mbajtjen e topit por ata na ndoqën lojtar për lojtar në çdo duel dhe na e bënë jetën të vështirë. Do të vijojmë të punojmë siç po bëjmë tani për të ngritur në fund trofeun. Atmosfera është e bukur dhe mendojmë vetëm për të nisur punën nesër sepse do të jetë e vështirë ndaj Japonisë por ne besojmë te fitorja.
Lexo gjithashtu
