Futbolli italian përballet me një vendim tronditës teksa mësohet se Komisioni i Apelit pranë Federatës Italiane të Futbollit ka dënuar Juventusin pas investigimeve për çështjen e plusvalencave për të përmirësuar bilancet financiare.
Prokuroria kërkoi hapjen e hetimit dhe dënimin e Juventusit me 9 pikë por Apeli ka shkuar akoma më larg duke dënuar Zonjën me 15 pikë zbritje nga tabela. Apeli ka shpallur të pafajshëm klubet e tjera që kanë qenë të përfshirë në lojtarët e transferuar te Juventusi.
Bardhezinjtë pritet që të apelojnë këtë vendim duke iu drejtuar Kolegjit në Komitetin Olimpik Italian, duke kërkuar që të hedhin poshtë këtë vendim që do të kompromentonte sezonin e e tyre. Me 15 pikë të zbritura, Juventus, nga vendi i tretë përfundon në mesin e poshtëm të tabelës me 22 pikë aq sa Bologna dhe Empoli.
Lexo gjithashtu
