Malaga nuk ka shkuar më shumë se një barazim 1-1 në takimin ndaj Cadiz, duke humbur mundësinë për të qënë në zonën play-off të La Liga.
Por kur kanë mbetur edhe 15 pikë në lojë, Malaga ku aktivizohet edhe mesfushori i kombëtares shqiptare, Keidi Bare ka ende shpresa për të tentuar një biletë për në elitën e futbollit spanjoll.
Ndërkohë, sa i përket paraqitjes ndaj Cadiz, Bare është vlerësuar maksimalisht nga mediat spanjolle. Për 75 minutat që qëndroi në fushë, Bare ishte një "bombë" automike në mesfushë, ndërsa herë-herë iu afrua edhe ndëshkimit me karton të kuq.
"Bëri faullin që kushtoi 1-1, edhe pse në favor të tij duhet të themi se shkelja është më shumë se e diskutueshme. Pastaj ai mund të ndëshkohet me kartonin e dytë të verdhë dhe për këtë fakt, Víctor e zëvendësoi atë. Përtej gjithë kësaj, ai luajti një lojë shumë të mirë. I dha rrjedhshmëri skuadrës në lojën me topin. Punoi si zakonisht dhe nuk bënte gabime. Duhet që të jetë më i kujdesshëm në lojën trup më trup."-mbyllet vlerësimi i gazetës prestigjoze "AS"
Lexo gjithashtu
