Skuadra e Bylisit ka filluar përgatitjet për ndeshjen kundër Tiranës që do të luhet të dielën në Ballsh. Të besuarit e Shensoit menjëherë pas disfatës me Kukësin nuk bënë pushim por udhëtuan në Ballsh dhe filluan stërvitjen. Përballë Tiranës do të jetë shumë e vështirë pasi ata janë kryesuesit.
Me humbjen në Kukës, Bylisi rrezikon seriozisht rënien nga kategoria. Por kundër bardhebluve ata do të kenë një kontigjent të plotë. Të gjithë lojtarët janë në dispozicion përveç Maçollit. Ky i fundit është i pezulluar dhe ende nuk dihet nëse këtë pezullim klubi do ta shlyejë me para. Maçolli u dënua pas atij incidenti që ndodhi një javë më parë kundër Erzenit. Ai mungoi në Kukës por për ndeshjen tjetër pezullimi mund të konvertohet në shumë monetare.
Lexo gjithashtu
