Edhe viti i ri e gjen Kukësin me problemet e vjetra. Verilindorët janë prej javësh në kërkim të një trajneri të ri që mund t’i besojnë çelësat e skuadrës, teksa jo pak emra kanë dalë në skenë.
Kryesisht drejtuesit hedhën sytë nga tregu kosovarë, ku pikasën dy teknikë. Bylbyl Sokoli dhe Tahir Lushtakun. Pista e të dy trajnerëve të njohur ka rënë, pasi palët nuk kanë gjetur dot gjuhën e përbashkët për të konkretizuar gjkithçka.
Në këto kushte duket se “shpëtimtari” i verilindorëve do të jetë Rrahman Hallaçi, i cili jo pak herë i është dashur të nxjerrë skuadrën nga “balta”. Ish-kapiteni i Kukësit është “xholi” i kësaj skuadre dhe si i tillë pritet të konfirmohet nga drejtuesit, të paktën deri në fund të këtij sezoni, ndërsa misioni nuk od të jetë aspak i lehtë, pasi kërkohet të nxjerrë skuadrën nga zona e ftohtë e klasifikimit.
Kujtojmë se aktualisht Kukësit renditet në vendin e 9-të me 15 pikë, pas 15 javësh të luajtura deri më tani.
Lexo gjithashtu
