Partizani nuk ka ndërmend të ndalet. Klubi i kuq pas partneritetit të arritur me Ambasadën Italine në Tiranë për mbështetjen e skuadrave të vajzave në futboll, tashmë kanë arritur një tjetër marrëveshje shumë të rëndësishme.
Përfaqësuesit e klubit janë mirëpritur së fundmi në ambientet e Universitetit “Zoja e Këshillit të Mirë” në Tiranë, ku pjesë diskutimit kanë qenë mbështetja ndaj lojtarëve të kuq, të cilët u janë mundësuar bursa në ndihmë të tyre.
“FK Partizani drejt një tjetër partneriteti. Përfaqësues të Klubit janë mirëpritur së fundmi në ambjentet e Universitetit "Zoja e Këshillit të Mirë" në Tiranë. Presidenti Fondacionit Padre Jerome Ndo Mih dhe Padre Paschal Mgbe përgjegjësi i politikave sportive të Universitetit Katolik “Zoja e Këshillit të Mirë" kanë shoqëruar delegacionin e kuq, i cili ka vizituar nga afër ambjentet e kampusit dhe spitalit.
Në takimin e zhvilluar është diskutuar në lidhje me praktikat e fisioterapistëve dhe mjekëve sportivë që janë pjesë e rëndësishme e ekipeve. Nga ana e tij Presidenti i Fondacionit Padre Jerome Ndo Mih ka qenë mjaft entuziast për ketë takim dhe me vullnetin e tij ka mundësuar edhe 2 bursat e para për lojtarët e Partizanit që do të pasohen me të tjera në vazhdim”, ka shkruar klubi i kuq.
Lexo gjithashtu
