Korabi fitoi me shumë mundime të drejtën për të luajtur në elitë sezonin e ri, por me shumë lehtësi ua ka prishur ëndrën dibranëve ish-kryebashkiaku i Peshkopisë, Shukri Xhelili. Skandali i seksit nga numri 1 i bashkisë solli më pas shkarkimin e tij nga Kryeministri Rama dhe kjo gjë ka pasur pasoja të rënda për futbollin. Situata është shumë të vështirë për ekipin e futbollit, që varet nga bashkia e qyteyit. Asnjë vendim i rëndësishëm nuk mund të merret nga kryebashkiaku i komanduar Ethem Fida, sepse duhet mbledhja e Këshillit Bashkiak për lëvrimin e një fondi prej rreth 200 milionë lekësh, të menduar më parë për Superligën. Ky këshill nuk e ka aspak mendjen te futbolli, pot tek emerimi i kryetarit të ri, ndërsa për afrim donatorësh në këtë situatë nuk bëhet fjalë.
Posti i shefit të klubit është ende bosh, edhe pse flitet se në të mund të ulet donatori dhe presidenti i sezonit të kaluar, Fehmi Mziu. Një amulli e madhe, që solli edhe dorëheqjen e trajnerit Dritan Mehmeti, pasi në Bashkinë e Peshkopisë askush nuk e ka mendjen te futbolli. Dhe gjithçka për faj të atij skandali, që në rrjetet sociale është pagëzuar me “brekët e Shukriut”.
