Nesër dhe pasnesër do të luhen dy takimet gjysmëfinale të Botërorit "Rusi 2018". Franca do provojë forcën ndaj Belgjikës, ndërsa në krahun tjetër, Anglia do tentojë të bëjë mrekullinë ndaj Kroacisë.
Së fundmi, FIFA ka zyrtarizuar emrat e gjyqtarëve që do të vendosin drejtësi në fushën e blertë në dy gjysmëfinalet. Në takimin Francë-Belgjikë, do të jetë Andres Kunja nga Uruguai gjyqtar kryesor. Ndihmësit e tij në stadiumin e Shën-Petersburg do të jenë Nikolas Taran, Mauricio Espinoza si dhe arbitri i katërt, Çezar Ramos.
Në takimin tjetër mes Anglisë dhe Kroacisë, kryesor do të jetë turku, Çunejt Çakir. Ai do të jetë i shoqëruar nga ndihmësit e tij, Bahatin Duran dhe Tarik Ongun si gjyqtarë ndihmës. Arbitri i katërt do të jetë Bjorn Kuipers nga Holanda.
Lexo gjithashtu
