PSG-ja po zhvillon një sezon fantastik. Parizienët janë vetëm 1 hap larg titullit në Ligue 1, ndërsa ndodhen edhe në finalen e Kupës së francës. Por jo vetëm kaq, pasi siç dihet francezët ndodhen edhe në çerekfinalen e Champions League.
Një mundësi reale nga ekipi i Luis Enriques për të fituar të 3 trofetë e mundshëm. Në lidhje me këtë ka folur kapiteni i kësaj skuadre, Marquinhos.
Braziliani ka theksuar se e gjithë kjo paraqitje është e gjitha falë Luis Enriques, i cili sipas kapitenit ka arritur të ndërtojë një ekip mjaft konkurues. Ndër të tjera ka deklaruar se të gjithë futbollistët kur fillojnë sezonin e ri, ëndërrojnë për një sezon të tillë, me mbrotjësit që shpreson të përfundojë me trofe.
“Kur fillon një sezon të ri, të gjithë ëndërrojnë që të shkojë në këtë mënyrë. Në kampionat jemi në rrugën e duhur, jemi në finale të Kupës së Francës dhe në çerekfinale të Champions League. Më mirë se kaq nuk mund të ketë.
Ne duhet të vazhdojmë të luftojmë fot. E gjitha kjo është falë Luis Enriques. Ka arritur të ndërtojë në ekip shumë kompakt dhe konkurues. Të gjithë lojtarët janë të gatshëm të sakrifikojnë për të fituar trofe dhe të gjithë në grup do të punojmë. Pavarësisht vështirësisve, ne si skuadër kërkojmë gjithmonë fitoren”, ka deklaruar braziliani.
Lexo gjithashtu
