Nice do të vazhdojë të qëndrojë në Ligue 1 sezonin e ardhshëm pasi mposhti në finalen e "play-out"-it St Etienne. Sfida e zhvilluar në stadiumin "Allianz Riviera", përfundoi në favor të kuqezinjve 4-1.
Fillimisht ishte Cardona që shënoi për miqtë në minutën e 9-të të pjesës së parë, por goli i tij u anullua pas rishikimit me VAR. Në fraksionin e dytë të ndeshjes filloi dhe "hovi" i vendasve, të cilët e gjetën avantazhin përmes Clausse në minutën e 62-të, por Davitashvili ngushtoi diferencat në të 79-tën.
Boundache riktheu epërsinë për të tijët në të 81-tën, përpara se Wahi të merrte të gjithë vëmendjen me dopietën e shënuar në minutat e 87-të dhe shtesën e dytë nga fundi.
Me këtë rezultat, Nice i garanton vetes mbijetesën në elitë, teksa St Etienne i duhet të provojë sërish edicionin e radhës për rikthimin në ligën e parë franceze.
Nice 4-1 St Etienne (Clauss 62', Boudache 81', Wahi 87', 90'+2/ Davitashvili 79')
GOLAT:
Goli i Clauss (Nice 1-0 St Etienne)
Goli i Boudache (Nice 2-1 St Etienne)
Lexo gjithashtu
