Barcelona në merkaton e verës do të tentojë të transferojë patjetër një sulmues për krahun e majtë. Pozicion që në këtë sezon herë pas herë është mbuluar nga lojtarë si Raphinha, Felix dhe Torres.
Aktualisht katalanasit janë pa një alternativë fikse dhe prej ditësh në horizont ka dalë Dani Olmo, por tashmë së fundmi listës i është shtuar një tjetër emër. Bëhet fjalë për Nico Williams, i cili aktualisht po bën një sezon fantastik me Athletico Bilbaon.
Sulmuesi do të kushtonte 50 milionë euro, pasi kjo është kostoja e klauzolës së lirimit të kontratës së tij me klubin bask. Për 21-vjeçarin do të ishte një mundësi e mirë kalimi te Barça, por edhe për katalanasit që do të siguronin njëherë e mirë krahun e majtë të sulmit. Kujtojmë se lojtari ka kontratë me skuadrën baske deri në qershor të vitit 2027 dhe këtë sezon ka arritur të luajë në 34 ndeshje dhe ka shënuar 7 gola e ka asistuar në 16 raste.
Lexo gjithashtu
