Saimir Patushi, ish-futbollisti i njohur në futbollin shqiptar, ishte i ftuar në emisionin Sport News nga Trevisa Tufa në News 24. Patushi foli për aktualitetin e kampionatit shqiptar dhe shigjeton drejtëpërdrejt trajnerin e Partizanit, Colellën, si fajtorin që të kuqtë janë pas Tiranës.
“Për trajnerin Colella është hera e 20-të që dëgjoj lojëra fjalësh. Një herë thotë e kam një grup lojtarësh të mirë, një herë thotë që e kam të keq grupin. Të ishte një trajner tjetër në krye të Partizanit, do ishte 20 pikë më shumë se ndjekësi. Po të shikosh ndeshjet vendimtare, Colella bëhet shumë i vogël. Colella nuk di të marrë maksimumin nga grupi.
Nëse ti do kesh frikë kur je duke fituar 2-0 ose 1-0, ti nuk je duke menaxhuar mirë. Ky trajner duhet t’i marri lojtarët e t’i bëj lidera, siç bëhen te Tirana. Nëse ti thua se kam frikë se mos humbas me Tiranën apo Vllazninë, kjo nuk të jep vazhdimësi. Patjetër që Partizani është këtu për këto arsye”, tha Patushi.
Lexo gjithashtu
