
Kukësi fitoi përballë Bylis me rezultatin e pastër 2-0 në Kukës Arena. Ekipi i Dobit arrin fitoren e 3 rradhazi dhe del kështu nga situata e keqe. Për mikrofonat e Oversport ka folur vetë trajneri i Kukësit.
Fitorja e tretë rradhazi – Fitore e rëndësishme. Jemi akoma në zonën e kuqe. Duhet vazhdimësi. Ndeshja doli 2-0 por duhet të kemi akoma afirmim dhe të jemi më të Qartë pasi i japim lehtësi kundërshtarëve të rrezikojnë.
Me sa km/h ecën Kukësi - Jemi akoma në malore. Ekipi bën kilometrin e 2 në autostradrën me 100 km. Kemi shumë punë për të bërë. Ekipi duhet të qartësohet. Humbim top shumë thjeshtë. Ekipi duhet të jetë akoma më kërkues.
Aksioni i golit – Nuk i nxjerrim sekretet. Normal që e punojmë në stërvitje. Duam ta vendosim kundërshtarin në vështirësi sa më shpejt me kundërsulme në mënyrë që të jenë të paorganizuar. Bylis ka lojtar cilësor dhe sulmues. Situatat duhet t’i shënosh dhe duhet të jemi më kërkues si në mbrojtje edhe në sulm.