Ai mund të cilësohet si tifozi më i çmendur i Kombëtares , një nga kountribuesit e pjesëmarrjes sonë në Francë 2016. Droni që ai ngriti në Beograd dhe polemikat që pasuan me tre pikët e marra nga Shqipëria në tavolinë padyshim që i shërbyen mjaft kualifikimit të Shqipërisë.
Në momentin që sot Kombëtarja zbarkon në fushë për të luajtur ndeshjen e parë Ballisti siç quhet apo Ismail Morina ka një mesazh për gjithë djemyë e Kombëtares.
Ballisti nuk ka harruar të kujtojë edhe momentet e vështira që ka kaluar pas ngritjes së dronit.
"Unë gjithmonë kam qenë krenar me Kombëtaren por dy momentet kulminante kanë qenë 14 qershori i 2014 dhe 11 tetori i 2015-ës edhe pse në të dyja këto ngjarje gjendesha në momente të vështira personale, prandaj me bindje të thellë e them që pavarësisht se si do të shkojë rrugëtimi i Kombëtares unë kam qenë, jam dhe do të jem krenar me djelmoshat tanë dhe ju ftoj ta bëni edhe ju", ka shkruar Ballisti në një status të para pak minutave në Facebook.
"Rroftë Shqypnia ,rroftë shpirti i shqiptarit", e ka përfunduar Ballisti postimin e tij.
Lexo gjithashtu
