Vllaznia do të luajë nesër kundër Laçit, në kuadër të javës së 17-të të Superiores. Një sfidë e rëndësishme për të besuarit e Mirel Josës, të cilët do të kenë edhe përkrahjen e tifozëve të tyre në stadiumin “Loro Boriçi”. Tekniku kryeqytetas ka përgatitur maksimalisht këtë sfidë duke i dhënë ngarkesën e duhur lojtarëve të tij.
Juriç është futbollisti që rikthehet duke plotësuar në këtë mënyrë dyshen e qendrës së mbrojtjes me Dajan Shehin. Sakaq në të majtë pritet të jetë i përhershmi Hakaj, kurse Gurishta rikthehet në të djathtë. Jonuzi, Boshnjaku dhe Marku do të përbëjnë mesin e fushës.
Ndërsa Mala dhe Hoxhaj do të mbështesin fazën ofensive. Pikërisht për majën e sulmit, Mirel Josa është në dilemë. Bekim Balaj ka treguar një formë të mirë fizike në stërvitje. Aktualisht është projektuar si titullar Kaina, por në momentet e fundit mund të ketë lëvizje me sulmuesin shkodran që mund ta nisë nga minuta e parë.
Lexo gjithashtu
