Bëhuni gati për një mbrëmje emocionuese. Champions League është rikthyer për të marrë vëmendjen dhe për të dhuruar emocione dhe spektakël. Dy finale të parakohshme janë në program për t’u zhvilluar ditën e sotme.
Në orë 21:00 tifozët do të mbajnë frymën ndërsa do të “gozhdohen” para ekranit të Tv për të shijuar dy supersfida që premtojnë të jenë të luftuara deri në minutat e fundit.
Milan pret në “San Siro” Tottenhamin e Antoni Contes. Një duel ku kuqezinjtë duhet të lënë prapa monentin “JO” në kampionët dhe për të bërë detyrën në shtëpi ndaj “Spursave”. Conte e njeh mjaft mirë terrenin e “San Siros” dhe në mbrëmje synimi është i qartë, të largohet nga Italia me 3 pikë.
Finalja e parakohshme është ajo mes PSG-së dhe Bayern Munich. Dy skuadrat favorite për të fituar këtë trofe, fatkeqësisht vihen përballë njëra-tjetrës që në këtë fazë, ku njëra duhet t’i thotë “lamtumirë” këtij turneu. Galtier ka detyrim fitoren, teksa treshja e yjeve Messi-Neymar-Mbappe duhet të tregojnë se çfarë janë në gjendje të bëjnë. Ndërkohë bavarezët kanë treguar se “kafshojnë” çdo ekip që iu del para dhe PSG-ja mund të jetë “kafshata” e tyre e radhës.
Lexo gjithashtu
