Portieri i Kombëtares shpreh emocionet për sfidën e fundit, ku fitorja bën që të gjithë të ëndërrojmë për kualifikimin për në turin pasardhës. Ndërsa “gardiani” sot nuk ka pasur shumë punë, por me këtë fitore ai hedh pas krahëve gabimin e bërë në minutën e 5 në ndeshjen me Zvicrën.
“Me siguri e dinim që do të ishte ndeshje shumë e vështirë për ne, por me thënë të drejtën në këtë lojë nuk kemi dhënë më shumë se ndeshjet e tjera, por jemi ndier më të lirë. Në fillim kishim eufori në ndeshjet e para, pasi kemi pasur emocione, por që në fillim të ndeshjes jemi ndier shumë mirë dhe e kemi përjetuar mirë, duke e fituar”.
“Ekipi luajti perfekt, por edhe në ndeshje të tjera kanë luajtur mirë, por unë mendoj se jemi duke u rritur si ekip, por secili duhet të tregojë veten. Jemi ekip mjaft i mirë dhe do Zoti kualifkohhemi dhe të tregojmë veten më shumë”.
Të gjithë bëjnë gabime, por pas atij momenti kam bërë ndeshje të mirë dhe jam munduar ta mbaj ekipin lartë që të fitojmë. Kjo ndeshje është pozitive dhe ne duam që të arrijmë të kalojmë grupin dhe që të bëjmë surpriza të reja. Të them të drejtën është e vështirë të karikosh shokët. Nuk mund të dëgjohesh po të flasësh. Vetëm në rastet kur është topi i ndalur, atëherë mund të flasësh, por prap e vështirë”.
Lexo gjithashtu
