Egnatia arriti të siguronte për herë të parë në histori kualifikimin në Kupat e Europës. Tashmë rrogozhinasit janë transferuar drejtë Turqisë për të zhvilluar fazën përgatitore. Egnatia do të luajë përballë Ararat në turin e parë të kualifikuesevë të Conference League.
Deri më tani ata kanë zhvilluar edhe sy miqësore me të cilat kanë arritur një fitore dhe një barazim. Pas këtyre performancave është ndalur të flas edhe trajneri i skuadrës, Edlir Tetova. Në një intervistë për “Sport Neës”, Tetova thënë se shancet për nje kualifikim janë 50 me 50.
"Magjia e sezonit të fundit nuk është zbehur plotësisht por momentalisht është faqe e kthyer sepse jemi fokusuar në kompeticion të rëndësishëm pas një maratone të gjatë që fituam Kupën dhe morëm pjesë në Conference. Për sa i pëket presionit nuk mendoj se shtohet. Ka vështirësi për të mbajtur ekipin sepse ka shumë oferta për lojtarët dhe është normale që të ketë. Siç ka ndodhur me Abegkpornun që u shit te Slaven Balupo në Kroaci por rruga është e hapur për të gjithë lojtarët dhe mua më bëhet qejfi. Në momentin që flasim jemi në pikun e fazën maksimale të ngarkesës. Nuk jemi gati momentalisht sepse kemi edhe 20 ditë por kur të kthehemi në Shqipëri do të përgatitemi.
Ararat? Të jemi i drejtpërdrejtë nuk e njohim shumë sidomos me 9 largimet e fundit dhe ka afruar vetëm 1 portier. Është një ekip që ka buxhet dhe blen lojtar. Nuk bën afrime pa plan dhe po ndjek trajnerin dhe skemat që ka përdorur ku ka qenë si trajner. Do të shohim në ditët në vijim të rejat dhe do të kemi diçka konkrete. Europën e kemi kërkuar nga fillimi i sezonit dhe minimalisht duhet të kalojmë një tur. Nuk ka premtim sepse jemi në detyrë., shanset janë 50-50 sepse Ararat ka qenë vitet e fundit rregullisht por kjo nuk na pengon. Kemi lojtarë nën kontratë dhe kishim 2 largime por erdhën Aleksi dhe Janku. Momentalisht jemi të plotësuar por pas Europës mund të ketë të pakënaqur por edhe 2-3 prurje por për momentin jam i kënaqur.
Xhekson dhe Batha? Për Xhekson ka pasur oferta siç ka pasur për të gjithë sulmin me oferta konkrete. Xhekson është pak më afër largimit por në ditët në vazhdim do të shihet se çfarë ndodh. Kurse për Bathën ka qenë një dëshirë e jonë në fillim por me ardhjen e Aleksit është zbehur sepse Batha luan si “6” dhe vendi u ezaurua.
Për titullin është shumë shpejt të flasim për titullin sepse duhet parë organika dhe lëvizjet dhe do të shohim këto dy ndeshje e më pas për objektivat e sezonit të ardhshëm. Gara nuk më vendos në presion fare por skuadrës i duhet më shumë durim, punë dhe përqendrim. Kaq mjafton për të shkuar drejt gjithçkaje.
Kundërshtarët? Nuk jam shumë i fokusuar edhe pse i kam ndjekur afrimet. Në fund secili bën llogaritë e veta. Ne jemi të konsoliduar dhe çdo gjë duhet kaluar në nivel tjetër sezonin e ardhshëm dhe kjo arrihet vetëm me punë e asgjë tjetër" ka thënë Tetova.
Lexo gjithashtu
