Partizani mori një humbje të dhimbshme ndaj BATE Borisov teksa u mposht me rezultatin 2-0 me vetëm 2 goditje në portë. Të kuqtë shpërdoruan raste pa fund duke i dhënë më pas mundësinë bjellorusëve të shfrytëzojnë shanset e tyre.
Sulejman Starova, specialist i mirënjohur i futbollit shqiptar, dha opinionin e tij të shkurtër në studion e ‘SKANER’ të moderatorit Gerti Çarçani në ‘MCN TV’.
“BATE Borisov nuk vodhi asgjë. Skuadra quhet e justifikuar kur luan drejtë. Shumë lojtarë të Partizanit ishin jashtë formës, si Da Silva, Cara, Rrapaj. Nuk pamë një dalje llogjike ku vihet re puna e trajnerit me Hadroj apo Atanaskoski. Në pjesën e parë Partizani dominoi totalisht. Problemi i Partizanit ishte që shkonte 20 metra para portës së kundërshtarit dhe kishte defekte. Nuk pamë një kombinacion. Kundërshtari parkoi autobusin dhe Partizani nuk ishte i përgatitur për këtë lloj kundërshtari”, tha Starova.
Lexo gjithashtu
