Ilir Daja ka fituar një bast, madje me shumë prestigj. Trajneri kryeqytetas ka marrë drejtimin e skuadrës së Flamurtarit në fillim të verës dhe kushti i parë për drejtuesit ishte afrimi i futbollistëve cilësorë. Një nga lojtarët që u transferuan te vlonjatët, ishte Blerim Kotobelli. Mbrojtësi i majtë u largua nga Partizani me shumë polemika, madje palët janë tashmë në Dhomën e Zgjidhjes së Konflikteve.
Drejtuesit e kuq e nxorrën 26-vjeçarin jashtë planeve, duke i ulur fillimisht rrogën dhe më pas duke mos arritur një marrëveshje dypalëshe. Kaq mjaftoi dhe kuqezinjtë shpejtuan ta merrnin Kotobellin në organikën e tyre, sigurisht pas miratimit të trajnerit Ilir Daja.
Ky i fundit e ka aktivizuar në 3 ndeshjet e para si titullar dhe në krahun e majtë të mbrojtjes, mëngjërashi ka bërë mirë. 7 pikë në 3 takime, nuk është keq si fillim. E me futbollistë që te Partizani vlerësohen si të "padobishëm" është strategu Ilir Daja që di t'i marrë më të mirën e në fund... Arrin të "korrë" sukses ashtu siç bëri sezonin e shkuar me Skënderbeun. /Newsport.al/
Lexo gjithashtu
