DINAMO-KUKËSI 0-1
NDESHJA: Kukësi merr një fitore të rëndësishme 0-1 ndaj Dinamos në "Air Albania". Sfida u vendos nga një gol i shënuar nga Basa në pjesën e parë, ndërsa në të dytë, Kukësi menaxhoi rezultatin duke mos pësuar gol.
Dinamo tentoi disa herë të barazonte ndeshjen, por portieri Tafas i mohoi golin Ibraimit në disa raste. Me këtë fitore, Kukësi ngjitet në krye të Superligës së bashku me Tiranën, ndërsa Dinamo në vendin e 5-të me 9 pikë.
Java e 7-të e Abissnet Superiore
Stadiumi "Air Albania" / Ora 19:45
FORMACIONET ZYRTARE:
Dinamo: Harizaj, Siljanovksi, Sofranac, Imami, Isaevksi, Sidibe, Demiri, Ibraimi, Haxhiu, Mihana, Chinedu.
Kukësi: Tafas, Peposhi, Bytyçi, Lulaj, Ndreca, Sh. Taipi, Hila, Basa, Gj.Taipi, Feijao, Milunovic.
Gjyqtar: Enea Jorgji / VAR: Juxhin Xhaja
Komenti minutë pas minute:
90+5' Mbyllet ndeshja, Kukësi mposht Dinamon, falë një supergoli të shënuar nga Basa. Verilindorët barazojnë Tiranën në krye të Superligës me 14 pikë.
88' Kukësi pranë golit të dytë, Daci gjuan brenda zonës, grushton Harizaj që nuk lejon golin e dytë.
83' Pritje fantastike nga Tafas, Ibraimi gjuan brenda zonës, por grushton portieri i Kukësit që shpëton ekipin nga një gol i sigurt.
75' Dinamo pranë golit, Ibraimi gjuan nga goditja e dënimit, topi prek rrjetën e jashtme dhe krijon iluzionin e golit.
68' Tenton sërish Kukësi, SH. Taipi gjuanm por topi kalon mbi traun e portës.
64' Kukësi në kërkim të golit të dytë, Ndreca kroson në zonë, por largon Imami.
49' Dinamo i afrohet golit, Chinedu gjuan nga larg, topi kalon ngjitur me shtyllën.
46' Nis pjesa e dytë, Dinamo-Kukësi.
45+2' Mbyllet pjesa e parë, Kukësi i falet një goli të shënuar nga Basa, Dinamo shpërdoron shumë.
45' Momente tensioni, kapiteni Taipi dhe Haxhiu përplasen mes tyre, gjyqtari Jorgji i ndëshkon me kartona të verdhë.
42' Tenton sërish Kukësi, Peposhi provon nga distanca, por topi kalon ngjitur me traun e portës.
28' GOL!!!!! Zhbllokohet ndeshja në "Air Albania". Gj.Taipi jep një asist fantastik për Basa, sulmuesi i vetëm me Harizajn nuk gabon, por ia kalon sipër kokës duke shënuar me stilin "panenka".
22' Provon sërish Dinamo, Ibraimi gjuan fortë brenda zonës, por grushton portieri Tafas.
14' Dinamo pranë golit, e pabesueshme ç'humbet Agim Ibraimi, sulmuesi i vetëm me portierin gjuan jashtë.
3' Aksion i rrezikshëm nga Dinamo, Chinedu teston Tafas, grushton portieri i Kukësit.
1' Dinamo dhe Kukësi përballen për herë parë në Superligë, starton ndeshja në "Air Albania", topi i parë shkelmohet nga Kukësi.
Lexo gjithashtu
