Bari tashmë e ka kthyer në objektiv kryesor arritjen e marrëveshjes me mesfushorin e Kombëtares shqiptare, Ledian Memushjan. Ecuria pozitive në javët e fundit ka vështirësuar punën për Barin, pasi Benevento nuk ka më në plane largimin e futbollistit kuqezi.
Ka qenë e përditshmja italiane "Corriere dello Sport" që ka shkruajtur për levizjet e fundit që klubi i Barit po bën për arritjen e një marrëveshje për kalimin e Memushajt në merkaton e janarit dhe të një lojtari tjetër me origjinë greke, Marios Oikonomo.
"Pas arritjes së marrëveshjes me lojtarët, Bari po tenton të bindë presidentin e klubit të Beneventos, Oreste Vigorito për të lënë të lirë Ledian Memushajn, mesfushorin shqiptar, por si duket, ecuria e mirë kohët e fundit ka bërë që klubi aktual ilojtarit të zbehë mundësinë për një "divorc" të mundshëm me shqiptarin. Për Marios Oikonomo-n, janë bërë lëvizjet e fundit për ta sjellë në shtëpi, pasi Cagliari thuajse e ka braktisur mundësinë. Kartonin e grekun e ka Bologna, klub me të cilin duhet të arrihet edhe marrëveshja", shkruan "Corriere dello Sport" në artikullin e publikuar pak minuta më parë.
[gallery columns="1" size="full" ids="191382"]
Lexo gjithashtu
