Tirana dhe Teuta u ndanë në barazim 0-0 në sfidën e luajtur mbrëmjen e sotme. Edhe pse të dyja skuadrat patën rastet e tyre, në fund u ndanë në paqe me nga një pikë.
Pas takimit ka folur për emisionin "Gol pas Goli" në Supersport ka folur mesfushori bardheblu, Edon Hasani. 26-vjeçari ka patur pretendimet e tija, por beson se në ndeshjet e ardhshme do bëjë diçka më mirë, ai dhe skuadra e tij.
"Bërëm një lojë të mirë, më mirë në pjesën e dytë. Ishim të pafat me rastet që patëm. Ishte ndeshje e rrezikshme, pasi sikurse dolëm barazim edhe mund të kishim humbur. Duhet kohë, nuk na lejohen hapa fals. Jemi Tirana dhe luajmë për fitore. Trajneri i ka dhënë përparësi Kobinës. Do mundohem të përmirësohem. Kukësi ka patur gjithmonë stadiumin brenda përparësi, ndërsa Tirana ka lojtarë të rinj, do të duhet pak kohë të ambientohen mes tyre. Për Tiranën kërkesa e llogarisë është më e madhe pasi dihet historia e Tiranës. Do e çojmë Tiranën në ato nivele që ka qenë ndër vite. Unë nuk mund të bëj vetëm, të paktën duhet të kapim Kupat e Europës".
Lexo gjithashtu
