Skuadra e Tiranës është në përgatitjet e fundit përpara “Klasikes” me Vllazninë në “Loro Boriçi”. Sot do të kryejnë seancën e fundit stërvitore përpara nisjes në Shkodër.
Tekniku Orges Shehi e ka pasur grupin e plotë gjatë kësaj jave. Bardheblutë vijnë pas asaj fitoreje me aq shumë mund me Egnatian të dielën e shkuar. Në atë takim protagonist ishte Kristal Abazaj. Por është pikërisht sulmuesi që përbën shqetësim për kryeqytetasit.
Në ndeshjen me rrogozhinasit ai u zëvëndësua si i dëmtuar. Minutat e tij që pas afrimit në janar kanë qenë të pakta për shkak të një dëmtimi. Kjo ka bërë që Abazaj në sfidën e fundit të dalë nga loja përpara se të bjerë bilbili.
Gjatë javës është bërë e pamundura që ai të jetë gati në kohë për të shtunën. Nëse ai nuk ia del dot në kohë në vend të tij pritet të aktivizohet Nikqi.
Formacioni i Mundshëm:
Tirana (4-3-3): Bekaj; Toshevski; Najdovski; Behiratche; Përgjoni; Lushkja; Hila; Aleksi; Hasani; Abazaj?; Haxhiu. Trajner: Orges Shehi
Lexo gjithashtu
