Juventusi ka barazuar në transfertë përballë Veronës në ndeshjen e vlefshme për javën e 25-të të Serie A. Sfida që u zhvilluar në stadiumin “Marc'Antonio Bentegodi”, përfundoi me rezultatin 2-2. Pas kësaj sfide ka folur edhe trajneri i “Zonjës”, Massimiliano Allegri.
Tekniku italian mesa duket e pranon që nuk kanë më shpresa titulli, duke u shprehur se vendi i dytë do të ishte i mrekullueshëm për ta. Ai gjithashtu vlerëson maksimalisht ndeshjen e sotme të zhvilluar nga Verona.
“Nuk di të them nëse kemi shanse për titull, apo nëse rezultati i sotëm ka ndikuar sot. Por nga sot nuk duhet të ketë më rëndësi. Nuk duhet të mendojmë që jemi kualifikuar në Champions League, në futboll ndodhin gjëra të paparashikueshme. Vendi i dytë për ne do të ishte i mrekullueshëm.
Verona? Është një ekip i organizuar dhe që vrapon shumë. Duhet thjeshtë të shikoni ndeshjen që zhvilluan ndaj Interit, mendoj se ata kanë gjithçka që duhet për të luftuar për mbijetesë”, është shprehur Allegri.
Lexo gjithashtu
