Partizani nuk mundi të merrte më shumë se 1 pikë kundër Egnatias, në këtë sfidë të vlefshme për javën e 19-të të Superiores. Pas takimit ka folur Giovani Colella duke analizuar atë që ndodhi ndaj rrogozhinasve.
Italiani është në “fije të perit” për shkak të mungesës së rezultateve. Megjithatë nuk stepet dhe për mikrofonin e Oversport tregon se skuadra e tij mund të reagojë. Në fjalën e tij për gazetarët, Colella tha:
“Më vjen keq për rezultatin. Por, edhe për djemtë sepse zhvilluan një ndeshje mjaft të mirë. Çmimi i kësaj fitoreje besoj se duhej t’i shkonte atyre.
Lufta për titull? Jemi shumë të kënaqur me lojën. Mendoj se këtë ndeshje të sotme skuadra ta marrë si një hap mjaft pozitiv. Dhe jam i bindur se nëse skuadra vijon të ketë të tilla paraqitje, do të jetë në luftën për titull.
Problem kur shënoni të parët? Mendoj se sot kemi zhvilluar një ndeshje të mirë. Aftësitë e sulmuesit të Egnatias nuk mund të fshihen. Arriti të realizonte. Po të shohim me rrjedhshmëri ndeshjen tonë se sa herë ka vizituar portën tonë Egnatia”, tha ai.
Lexo gjithashtu
