Flamurtari mori një barazim të rëndësishmë në transfertë ndaj Laçit. Skuadra vlonjate edhe pse me mungesa arriti t'i bëntë rezistencë kurbinasve. Në përfundim të ndeshjes për "SuperSport", trajneri Daja u shpreh i kënaqur për pikën e marrë.
"Me atë që prodhuam në fushën e lojës jam i kënaqur me barazimin ndaj një kundështari të fortë si Laçi. Jemi munduar që me lojtarët që kemi në dispozicon të bëjm ndërrime. Kemi patur në ekip lojtarë të rinj dhe sot jemi të kënqaur me barazimi pasi nuk meritonim më shumë nga ajo që prodhuam në lojë.
Objektivi? Do të provojmë deri në fund të arrijmë objektivin tonë Europën. Duke parë që distancat e pikëve nuk janë shumë të mëdha dhe besoj se mund të arrijmë duke parë dhe rikthimin e Bathës në ndeshjen e radhës.
E Filluam me dy sulmues dhe e dimë që Sukaj nuk është në formën e tij më të mirë dhe dëshironim t'i merrnim maksimumin. Dua të përgëzoi dhe Ribaj që nuk luajti në pozicionin e tij natyral dhe sakrifikoi shumë. Rrapaj ka një personalitet dhe është ingranuar shumë mirë me pjesën tjetër të skuadrës dhe pse është shumë i ri.
Diferencat që kemi me skuadrat që pretendojmë Europën nuk janë shumë të mëdha dhe ne do të tentojmë deri nën fund për të arritur objektivin tonë dhe mungesa e Bathës është e rëndësishme pasi nuk kemi në dispozicion shumë lojtarë", u shpreh Daja.
Lexo gjithashtu
