Barazimi 3-3 me Laçin në Selman Stërmasi ka lënë një shije të hidhur në kampin bardheblu sidomos pas asaj fitoreje të vuajtur në derbi. Tirana kishte shansin të vazhdonte presionin ndaj Partizanit dhe të largohej nga rivalët e tjerë por hapi fals prishi planet e kampionëve.
Ekipi është rikthyer në stërvitje ditën e djeshme për t’u përgatitur për ndeshjen e Kupës ndaj Veleçikut në Selman Stërmasi, ditën e mërkurë në orën 15:00. Trajneri Shehi e ka bërë të qartë që gabime të tilla mund të “sabotojnë” kampionatin ndaj duhet përqëndrim maksimal ndaj ekipeve “të vogla”.
Përveç Najdovskit dhe Qefalijajt të dëmtuar, grupi ishte i plotë dhe stërvitja ka vazhduar normalisht nën regjimin e Shehit dhe stafit të tij. Bardheblutë pas ndeshjes së Kupës do të kërkojnë me çdo kusht 3 pikët në një fushë të vështirë si ajo e Ballshit, ditën e dielë në orën 15:00.
Lexo gjithashtu
