Ilir Daja ka folur pas suksesit të madh në Conference League me skuadrën e Ballkanit. Trajneri i njohur kryeqytetas tregoi emocionet e asaj sfide, si dhe u ndal te Skënderbeu i artë, Partizani dhe në fund te Kombëtarja.
A do të bëhet trajner i kuqezinjve? Për këtë Daja ka një përgjigje të sinqertë, që ç’është e vërteta s’e fsheh dëshirën që një ditë të jetë në krye të Kombëtares. Në një lidhje direkte me Oversport, ai u shpreh:
“Ka patur shumë emocione ajo ndeshje, pasi pësuam gol që në minutën e parë. Më pas e rritëm lojën dhe në pjesën e parë dominuam dhe arritëm të kalonim në avantazh. Edhe në pjesën e dytë luajtëm mirë dhe shënuam edhe golin e tretë. Më pas pësuam një kolaps dhe në fund kundërshtarët na barazuan. Por shënuar golin e katërt që e përjetuam shumë, me një adrenalinë të madhe dhe arritëm fitoren e parë në grup.
Do thyeni rekordin e Skënderbeut? Skënderbeu ishte një skuadër shumë e mirë, që reflektonte vlerat e qytetit dhe drejtuesve. Kemi grumbulluar 5 pikë në grup atëherë, por edhe me Ballkanin po përjetojmë të njëjtën gjë. Kemi lojtarë që kanë fituar dhe u thashë që duhet të nisim gjithçka ka fillimi me Ballkanin.
Largimi nga Partizani? Nuk ka qenë dështim largimi nga Partizani. Kam qëndruar 1.5 vite dhe vitin e parë ishim pretendent deri në javën e fundit. Vitin tjetër kemi patur shumë ndryshime. Në 4-5 muaj ndoshta nuk arritëm pritshmëritë, por në vitin e parë ishin shumë pranë titullit.
Gati për kombëtaren? Ëndrra e çdo trajneri është që të drejtojë kombëtaren. Nuk mund të filozofoj, për sa kohë nuk kam qenë asnjëherë kandidat”, përfundoi Daja.
Lexo gjithashtu
