Kombëtarja U-17 do të garojë në raundin eliminator për Europianin 2017 në takimet që do të luhen në Itali nga data 26 deri më 31 tetor. Në këto ndeshje kuqezinjtë e drejtuar nga Xhemal Mustedanagiç do të synojnë kalimin në Elite Round, teksa në grup kanë ekipe si Italia, Serbia dhe Maqedonia.
Trajneri boshnjak i kombëtares, Xhemal Mustedanagiç, flet mbi tre ndeshjet që do të luhen në Itali, teksa tregon edhe idetë e tij për të ardhmen. "Filozofia ime është të luajmë gjithmonë në sulm dhe pavarësisht grupit të vështirë, që në fakt është më i forti që kam pasur ndonjëherë që kur kam nisur punën si trajner. Megjithatë ne do të përpiqemi të japim maksimumin tonë nëpërmjet një loje të bukur, që të përfaqësojmë sa më mirë futbollin shqiptar.”
Ndeshje të nxehta - "Ndeshjet me Serbinë dhe Maqedoninë janë përballje derbi me dy rivalë ballkanas që kanë skuadra cilësore. Ne do të përpiqemi të përfaqësohemi denjësisht duke treguar më të mirën e futbollit shqiptar".
Rivaliteti - "Me Italinë kemi luajtur dy herë vitin e kaluar, një herë jemi mundur dhe një herë kemi barazuar pa gola. Brezi me të cilin jemi përballur është ai që përbën tashmë dhe bërthamën e skuadrës italiane. Fakti që i njohim disi mund të jetë një plus më shumë, megjithatë Italia është favorit kryesor për fitimin e grupit".
Lexo gjithashtu
