Në vendin e quajtur Pema e Thatë, po mbahet edicioni i dytë i kalimit me not të kanalit të Korfuzit. Pamje që të rikthejnë në kujtesë kohën e arratisjes së Shqiptarëve, por në fakt është thjeshtë një garë sportive.
70 notarë nga Britania e Madhe, Irlanda, Franca, Holanda e Australia do të marrin pjesë në këtë garë. Notarët e huaj por dhe shqiptarë do të notojnë përreth 2 milje detare në ngushticën qe ndan brigjet shqiptare nga ishulli i Korfuzit.
Përmes rrjetit social "Facebook", gazetari Auron Tare ka publikuar video nga starti i kësaj gare.
Ky aktivitet shihet nga organizatorët si mënyrë e mirë për të rikthyer vëmendjen nga kjo ngushticë midis Ishullit të Korfuzit dhe brigjeve shqiptare, duke promovuar njëkohësisht turizmin dhe trashëgiminë kulturore.
Lexo gjithashtu
