Situata te Skënderbeu ka ndryshuar pozitivisht që pas emërimit të Ivan Gvozdenoviç në krye të ekipit bardhekuq. Skuadra korçare ka arritur të marrë rezultate dhe kjo falë punës së mirë të trajnerit bashkë me futbollistët. Klima është tejet pozitive dhe harmonia brenda grupit është e dukshme. Pikërisht kjo mungonte që prej largimit të Ilir Dajës nga pankina korçare.
Së fundmi, në klubin e Skënderbeut ka vend për festë dhe shkak për këtë është bërë Dean Liço. Mesfushori i njohur ka festuar 23-vjetorin e lindjes. Ashtu siç e do tradita në grumbullim, shokët e skuadrës i kanë shkuar te dhoma ku qëndronte duke i kënduar këngën e ditëlindjes. Këtë moment Liço e ka ndarë në rrjetet sociale duke zbuluar atmosferën e këndshme.
Aktualisht Skënderbeu ndodhet në vendin e dytë në Kategorinë e Parë, 4 pikë më pak se Dinamo kryesuese. Performancat pozitive të futbollistëve kanë rritur optimizmin në kampin korçar për të risjellë edhe një herë mes më të mirave, skuadrën që shkroi historinë në futbollin shqiptar.
Lexo gjithashtu
