Edlir Tetova u largua dje nga drejtimi i Egnatias. Humbja 2-1 kundër Teutës nuk u kapërdi nga drejtuesit të cilët vendosën të ndërprisnin bashkëpunimin me ish-trajnerin e Tiranës. Edhe pse rrogozhinasit deri më tani ishin cilësuar si një nga ekipet që duheshin mundur, situata nuk duket të jetë e qetë.
Por çfarë ndodhi me Edlir Tetovën? Trajneri i njohur u shfaq i mërzitur pas ndeshjes duke u shprehur se do të bënte një analizë të thellë të sfidës. Madje theksoi se në golin e dytë të Teutës, asnjë lojtar nuk kishte kërcyer në zonë për të larguar topin. Duket kjo si një “tradhëti” nga ana e lojtarëve që nuk e ndiqnin më 39-vjeçarin.
Tashmë në pole-position te Egnatia është Shpëtim Duro. Një njohës i mirë i kampionatit shqiptar që e mbylli sezonin me Laçin. Tekniku kryeqytetas pritet të prezantohet ditën e sotme nga presidenti Demrozi për të vijuar projektin e lënë në mes nga ish-trajneri Tetova.
Lexo gjithashtu
