Ardit Hoxhaj rikthehet në Kategorine Superiore pas 6 muajsh. Sulmuesi vlonjat u largua nga Skënderbeu për t'u bashkuar me Luftëtarin, por pa arritur të debutonte për shkak se merkato e janarit ishte mbyllur. Ofertat për lojtarin nuk kanë munguar si nga Kategoria Superiore, ajo e Kosovës si dhe në Armeni.
Por vlonjati ka vendosur të qendrojë në Superligë dhe ka arritur marrëveshjen me Luftëtarin. Newsport.al mëson se skordi është arritur ndërsa mungon vetëm firma, e zeza mbi të bardhë, që do hidhet gjatë këtyre ditëve. Pas 6 muajsh 24 vjeçari pritet të shpërthejë sërish në Superligë dhe do ta nis nga Gjirokastra. Pas shumë largimesh Luftëtari ka kryer goditjen e parë në merkato.
Sezoni i ardhshëm futbollistik për Hoxhajn pritet të jetë shumë vendimtar, pasi një paraqitje shumë e mirë me bluzinjtë, mund të shërbejë si një "trampolinë" për tëshkuar në një tjetër kampionat më të fortë jashtë Shqipërisë.
Lexo gjithashtu
