Me dëmtimin e sulmuesëve të Chelseat dhe formën jo të mirë që ata po kalojnë, Armando Broja ka shansin e artë që të fitojë besimin e plotë të Mauricio Pochettinos. Trajneri i “Bluve të Londrës” me shumë mundësi do ta “gradojë” titullar Brojën, në ndeshjen që Chelsea do të luajë ndaj Preston në kuadër të FA Cup.
Në prag të kësaj sfide, në një konferencë për shtyp, Pochettino u ndal pikërisht tek Broja dhe situata e sulmesëve tek ekipi i tij. Argjentinasi thur elozhe për yllin e Kombëtares shqiptare, duke vënë në pah cilësitë që ai zotëron.
“Armando? Ka një mundësi për të luajtur. Ju them se Nkunku nuk do të jetë titullar nesër pasi ka patur probleme gjatë javës, por ai do të jetë pjesë e ekipit. Duhet të jemi të kujdesshëm me të. Përsa i përket Brojës, ai ka mundësinë që të jetë më i përfshirë. Armando është një nga sulmuesit tanë kryesorë. Ka potencial dhe cilësi të jashtëzakonshme dhe tani po harron dhe dëmtimin e vitit të fundit”, ka thënë trajneri i Chelseat, Mauricio Pochettino.
Lexo gjithashtu
