Fati i keq ndjek Armando Brojën. Sulmuesi i kombëtares shqiptare ka mbyllur para kohe sezonin. Siç është bërë me dije dje dhe sot, shtatlarti i Chelsea-it ka këputur ligamentin.
Tashmë është Fabrizio Romano që raporton se 21-vjeçari është i detyruar t’i nënshtrohet një operacioni në gju për rikuperimin e ligamentit (ACL).
Në klubin anglez kanë bërë me dije se nëse gjithçka do të shkojë sipas parashikimeve, Broja do të jetë gati në fillimin e sezonit të ardhshëm.
“Lajm i keq për Chelsea-in. Armando Broja do të jetë jashtë për pjesën tjetër të sezonit pasi ka nevojë për një operacion pas dëmtimit të ligamentit ACL. Shpresohet se do të jetë gati në fillim të sezonit të ardhshëm. Është këputje e ligamentit të kryqëzuar”, shkruan Fabrizio Romano.
Lexo gjithashtu
