Vllaznia është hedhur në merkato për të përforcuar skuadrën për pjesën tjetër të sezonit, me kuqeblutë që synojnë të fitojnë trofe. Merkato në hyrje dhe në dalje. Pikërisht Ante Aralica mund të jetë i larguari i parë nga Shkodra, pasi sulmuesi nuk ka bindur stafin në pjesën e parë të sezonit.
Me largimin e mundshëm të Aralicës, kuqeblutë do të kërkojnë një sulmues që premton gola dhe që mund të marrë mbi supe përgjegjësi. Emri i lakuar së fundmi është i Erald Çinarit dhe i Rubin Hebajt, por mbetet të shikohet se cila do të jetë zgjedhja e palëve.
Gjithashtu stafi po mendon edhe afrimin e ish-mbrojtësit të Kukësit, i cili vetëm pak ditë më parë ndau rrugët me verilindorët. Bëhet fjalë për Tiago Ferreira, i cili pëlqehet nga Josa dhe pritet që në ditët në vijim të nisin edhe bisedimet mes tyre.
Lexo gjithashtu
