Ante Aralica ka luajtur ndeshjet e fundit me fanelën e Vllaznisë, pasi sulmuesi kroat do të largohet nga Shkodra gjatë merkatos së janarit. Klubi kuqeblu po punon që të prishë kontratën me lojtarin, pasi Mirel Josa nuk e shikon më të rëndësishëm në formacionin e tij.
Me largimin nga “Loro Boriçi” që duket shumë afër, për Aralicën kanë shfaqur interes disa skuadra të tjera të “Abissnet Superiore”. Për momentin sipas shtypit të shkruar bëhet e ditur se Tirana është njëra nga këto ekipe, me bardheblutë që kanë në kërkim të një sulmuesi, pasi kërkojnë të gjejnë edhe zëvendësuesin e Redon Xhixhës, në rast se ikën ky i fundit.
Pavarësisht se sulmuesi i kuqebluve nuk ka pasur shumë minuta në dispozicion me Vllazninë, drejtuesit e kampionëve besojnë se në kryeqytet lojtari mund të shpërthejë nën urdhrat e Orges Shehit.
Lexo gjithashtu
