Flamurtari arriti t'i marrë një pikë Teutës në "Niko Dovana" edhe pse kapiteni i anijës kuqezi, Tomislav Bushiç, i tradhëtoi ata për një tjetër anije. Kroati u largua drejt Durrësit vetëm pak orë para takimit të kësaj të diele që lamë pas, por Flamurtari arriti që të luaj si i barabartë, edhe pa kapitenin Bushic. Idriz Batha zhbllokoi takimin pas 13-të minutash lojë dhe festa ishte një festim "alla Bushiç".
Episod që ngjalli reagim te sulmuesi kroat pas takimit, ku e cilësoi mesfushorin si një provokues. Në të njëjtën monedhë iu përgjigj edhe 26 vjeçari Batha, që përmes rrjetit social "Instagram" e ftoi Bushiç të festonte me ta. "Ooo Bushic, jo provokim brata, ti eja festo me ne se këtu e ke zemrën"-shkruan Batha në rrjetin social "Instagram". Një luftë në distancë është ndezur. Tashmë duhet të shohin se cili kapiten e dërgon anijen në portin "Kupat e Evropës", Idriz Batha Flamurtarit, apo Bushic Teutën.
Lexo gjithashtu
