Anglia u eleminua nga Kupa e Botës teksa humbën përballë kampionëve aktual, Francën. Trajneri Southgate pas ndeshjes dha intervistën e tij ku u pyet edhe për të ardhmen e tij në stolin e “Tre Luanëve”.
“Performanca ishte në nivelin e pritur por ndeshjet vendosen me gola. U thashë djemve që nuk mund të jepnin më shumë, ishte një ndeshje shumë e balancuar që u vendos nga episodet e vogla. Jam krenar me progresin që kemi bërë në këtë turne. Fitojmë dhe humbasim si ekip, pësuam dy gola dhe humbëm disa raste.
Kane? - Është i mrekullueshëm dhe mund të mbështetesh tek ai. Pa golat e tij nuk do mbërrinim deri këtu. Në momentet e rëndësishme, ne ishim thuajse gjithmonë në vendin e duhur. Erdhëm në Katar për të provuar të ftojmë dhe besonim se mund ta bënim. Kemi një ekip që mund të fitojë Botërorin.
Arbitri? – S’ka vlerë të flasim për këtë, preferoj të fokusohem te performanca e lojtarëve. Urime Francës, nuk mund të bënim më shumë.
E ardhmja? – Pas cdo kompeticioni, gjithmonë bashkohemi për të diskutuar të ardhmen e Anglisë. Tani na duhet të marrim pak kohë për t’u siguruar se të gjithë do të marrin vendimin e duhur.
Lexo gjithashtu
