Tabloidët anglezë kanë nisur të qeshin me trajnerin Roi Hodgson para se ndeshja me Rusinë të përfundonte. “Runi në mesfushë, Kejn që gjuan goditjet e këndit, - shkruante “Mirror”. – Po kush është në stol, Van Gali?” Por kur Rusia barazoi në shtesë shpërtheu edhe furia e tifozëve, pavarësisht futbollit të pëlqyshëm që luajtën anglezët në ndeshjen e parë, që nuk po arrijnë ta fitojnë asnjëherë në një Europian. Në rrjetet sociale qarkullon një foto e trajnerit, që bën autoironi: “Jam një kokë…”. Patjetër, të jesh trajneri më i paguar i Europianit me 5 milionë euro përfitim, duhet të bësh diferencën. Por Anglia vazhdon me avazin e vjetër, pa fitore në ndeshjen e parë. Ndërrimet e bëra nga trajneri Hodgson nuk iu përgjigjën aspak lojës dhe në fund anglezët morën vetëm një barazim.
Lexo gjithashtu
